المستقبل هو ما يعيش من أجله الأنسان هو المحرك الرئيسي الذي يحركنا . ليخرجنا من ثباتنا العميق ليجعلنا نسعي وراءه ونجري مئات الأميال من أجله
خلاص يا عم ولا تزعل هتكلم عربي بس اللي كتبته فوق عربي أصيل بردوا
وعلي اساس احنا شباب والنعمة شباب يبقي نتكلم بلغة الشباب بس بلاش اللغة الشبابية الروشة طحن الجامدة موت أخر حاجة أصلي ماليش فيها
المهم نرجع لموضوعنا أحسن الوقت يسرقنا
وخليني أسأل سؤال
هو المستقبل بأيد مين ؟
أستغفر الله العظيم .ولا إله إلا الله
لا ةالله ماكفرتش ولا حاجة أنا عارفة ان المستقبل بأيد ربنا سبحانه وتعالي
أنا قصدي في حياتك وفي يومك مين بيتحك في مستقبلك ومصيرك
لا والنبي ماتقولش انا بتحكم في مصيري ومستقبلي
هتكون واسعة منك أوي دي
مستقبلك في أيد المشؤال عنك أو بالأصح اللي فوق منك
ماعو لو أنت تلميذ غلبان هيبقي والد سعادتك هو المتحكم فيك وأنت هتروح منه فين قدرك ونصيبك ومستقبلك
ولو أنت موظف برضوا غلبان طيب بذمتك هيكون مين المتحكم في مستقبلك
جواب وقولي بقي
أه هتقولي منا ممكن أسيب الشغل وساعاتها هكون أتحكمت في حياتي
لا يا غلبان ماهو لو عمنا المدير بتاعك مريحك ومسهلها نعاك مش هتسيبه ابدا
أيه زعلت وأكتئبت كده ليه؟
طيب يا سيدي مستقبلك بأيدك بس ولا تزعل
أيوه بيكون في ايدك بس انت اللي بضيعه وبسهولة كمان
لما تكون عايش وخلاص لامحدد اهداف ولاراسم مستقبل يبقي اكيد بسهولة بتتنازل عن مستقبلك
بتبقي خايف ومتردد مستسلم لرئيس ليك أو مسؤل عنك ماهو عارف وانت لأ
أيوة لأ لا عارف اللي بتعمله صح ولا غلط مستسلم لكلمة نقد تقولك أعمل كده وكده
وبسهولة بتتخلي عن مستقبلك ليرسنه حد تاني لا عارف ميولك ولا طموحاتك
مستقبلك معاك بأيدك خططه وأرسمه ذي ماأنت عاوز أنت المسؤل عنه أنت الناقد ليه أنت اللي بتحدده أنت اللي عاوزه والمستفيد منه
بس خليك أد المسؤلية أفرح في النجاح وأصبر في الهزيمة علشان ترجع تاني تبني وبقوة أكبر بلاش الأستسلام من أول خبطة
علشان مش نرجع نقول مستقبلنا راح فين؟
أوعي تسيب مستقبلك أحسن يسيبك
أمسك فيه بكل قوة علشان هو يمسك فيك وعلشان هو ببساطة حياتك
الخميس، 18 سبتمبر 2008
تعالا نفضفض ونتكلم
أكيد محتاج تفضفض وتتكلم مع حد من سنك
عن مشاكلك وطموحاتك واحلامك
فضفض واتكلم براحتك واكيد احنا هنكون فهمينك
بس بشرط الفضفضة هتكون بصراحة وادب وذوق وانت بقي هتستحمل ارائنا من غير عتاب ولا لوم
يارب المدونة بتاعتنا كلنا تكون عجبانا كلنا
عن مشاكلك وطموحاتك واحلامك
فضفض واتكلم براحتك واكيد احنا هنكون فهمينك
بس بشرط الفضفضة هتكون بصراحة وادب وذوق وانت بقي هتستحمل ارائنا من غير عتاب ولا لوم
يارب المدونة بتاعتنا كلنا تكون عجبانا كلنا
الاشتراك في:
الرسائل (Atom)