سندريلا


فيها ايه لو اكون سندريلا واقابل اميري بالصدفه او اقابل الساحرة الطيبه اللي هتحقق لي كل احلامي

الأحد، 14 فبراير 2010

مناقشة عائليه



في مناقشة عائلية لا تخلو من الديمقراطية
سألت حبيبي أمازلت تعشقني أم قل حبك ليا
فأجاب إذا لم تكن أنت حبيبتي فهل الحب يصلح يكون بدونك
أنت حبيبتي أنت عشيقتي أنت أمي وزوجتي
فقلت مبتسمة وأبنتك فرد قائلا بل وحيدتي
سألت حبيبي أي اللحظات نادما عليها لحظة خلافنا أم لحظة عراكنا
فأجاب حبيبتي هل أندم علي لحظة فيها جمعنا
هل أندم علي لحظة فيها لقائنا
لحظات خلافنا وعراكنا هي لحظات تجمعنا
فبعد الخلاف بلحظات أدرك انك حياتي
أتي إليك لنتصارح فأجدك التسامح ذاته
أبتسمت طويلا وتسألت ثانيتا
حبيبي أختار بيننا بيني أنا وبين حياتك السابقة
فقال أين هي حياتي السابقة؟أكان لي حياة سابقة؟
أنت حياتي السابقة والحاضرة والأتية
قلت له أستظل تحبني حني لو غير الزمان أشكالنا
فضحك ضحكة عالية ونظر إليا نظرة حانية
أقسم أني أحبك وسأظل أحبك
فلا تتحدثي عن الحب ثانتيا فالحب قد خلق لنا

الثلاثاء، 10 مارس 2009

صندوق صور



بقلب في صندوق الصور

بقلب وأشوف الصور

صور حزينة صور سعيدة صور قديمة صور جديدة

كلها هنا في صندوق الصور
.................................

صورة سبوع.... صورة شموع..... صورة ميلاد

أجمل ميلاد .......ميلادي أنا

....................................

صورة كفاح.......... صورة نجاح

أجمل نجاح .......نجاحي أنا.

.......................................

صورة فرح ........فستان فرح

أجمل فرح.........فرحي أنا

...................................

.صورة دموع ........صورة فراق

أصعب فراق.......فراق أخويا للسفر

.........................................

صورة سعادة.......... صورة رضا

أجمل رضا ........ للكل واقف راضي هنا

...............................

صورة جمال الكون كله هنا

صورة أبويا بلبس الحج بردوا هنا

.......................................

كله هنا في صندوق صور

صندوق وحافظ كل ذكري كل بسمة وكل دمعة بردوا هنا

صندوق بيقول لفي ودوري ونهايتك هنا

هتفتحيني وبكل شوق هتحضنيني وهدمعي

أيوه أكيد هدمعي لما تشوفي صورة خالتك وعمك وجدتك

لما تشوفي صورة أبوكي واقف بيأكلك

هنقعد سوي نشوف الصور

ياه ده أنا كنت حلوة أوي وأنا صغيرة

ياه مالي كده في الصورة دي غريبة ومقشرة

أيه ده الصورة دي مالها زحمة كده.

.......................................

زكريات كلها هنا في صندوق الصور

صور قديمة صور جديدة صور حزينة صور سعيدة

ولسه يا ما هنحط كتير من الصورفي صندوق الصور

الأحد، 26 أكتوبر 2008

حوار بين محدود ومظلوم

محدود:-أنا مش عارف ولا فاهم ليه حضرتك زعلان كده هو انت بردوا مش أخت الشهادة الكبيرة وبقيت معاك البكالوريوس طيب يا عم مانت أهو راجل محظوظ

مظلوم:- شهادة ايه بس انا دورت علي شغل كتير لحد ما رجلي ورمت وبقت ذي رجلين الفيل

محدود:-وايه يعني يا عم ماهو الرزق يحب الخفيه وبعدين مش خلاصلقيت شغل واشتغلت ......مبروك يا عم أنا قلت محظوظ أن محظوظة

مظلوم:- شغل ايه بس يا أبو شغل ده مش مؤهلي وكمان 120جنية يكفوا أيه بالذمة مواصلات ولا فطار

محدود:-تصدق انك راجل مدلع لاتعرف مسؤلية ولا كلام من ده شهادة ايه يا أبو شهادة يا عم احمد ربنا أنك أشتغلت غيرك مش لاقي نص الشغلانة دي

مظلوم:- بس انا تعبت في الشهادة أوي ده أبويا كان بيستلف من طوب الأرض علشان يجيب الكتب ده قعد الأربع سنين بجذمة واحدة علشان يدفع لي المصاريف

أروح دلوقتي أقول له ايه؟

محدود:-قوله أشتغلت

هو أنت برضوا مش اشتغلت ولا ايه!؟

مظلوم:- أشتغلت ب120 جنيه

يعني هساعده ازاي هرد الجميل ليه واشيل حمل اخواتي عنه أزاي

والله انا خايف اجاي تاني يوم ولا تالت يوم وأمد له ايدي ذي زمان علشان المصروف

وخايف اكتر يجي يوم عيد الأم وأنتحر من الكسوف

محدود:-كسوف ليه يا عم ماكنا كويسين

أيه اللي هيجيب الكسوف دلوقتي!؟

مظلوم:- يا عني أمي وهي فرحانه بأبنها الحيله

وأبني الموظف رايح

وابني الموظف حاي

وابني الموظف زمانه راجع من الشغل هحضرله احسن أكل بسرعة

ويجي اليوم اللي هي مستنياه علشان أفرح قلبها بطرحة ولا حاجة تلاقي ابنها الحيلة موكوس منحوس مفلس واحتمال مديونياعالم بالذمة أنا محظوظصحيح أشتغلت بس مؤقت في شغلانة بينها وبين مؤهلي وطموحاتي وميولي وشهادتي واحلامي مسافة تساوي مسافة الأرض والقمرب120جنيه ومش هتكلم عليهم علشان عيب

محدود:- أقعد أقول 120جنية كده لحد ما يتحسدوا ومش هتلاقيهم حد طايلوكمان الدولة هتعمل ايه ولا ايه مش كفاية انها....أنها....أنها

مظلوم:- قول انها أيهسابت ايديها مننا خالص وخلت الدنيا تخبط فينا بمزاجهاولا خلتنا نحلم وبعدين فوقتنا من الحلم بكابوس وكمان مفزوعين لاعارفيبن احنا مين ولا فينيإما تقول يالا نفسي وتشيل نفسك من الأف إلي الياء يأما تضيع مع الضايعين

تصدق يا عم أنا فعلا راجل محظوظ

الخميس، 9 أكتوبر 2008

بحبك

بحبك
لا أنكر ذلك فأنت تسري في دمي
بحبك
سأظل أقولها مادامت الحياة داخل قلبي
بحبك لما التعجب يا حبيبي فقد قلتها قبلي
قلتها بأفعالك وأهتمامك قبل ان ينطقها لسانك
قلتها بحزنك لبكائي قلتها بفرحك لأبتسامي
قلتها يا حبيبي وشعرت بها جيدا
شعرت بك جانبي بداخلي وورائي دائما
سأظل بجانبك يا حبيبي مادمت حيه
سأساندك سأساعدك سأحبك دائما
وأطمئن حتي في موتي ستجدني بجانبك
لست خيالية ياحبيبي ولا رومانسية
ولكني أحبك وأعلم انك تفهم معني الحب
أجل تفهمه فأنت الذي علمتني أياه
لا أريد أن أنهي كلامي فحبك بداخلي لا نهايه له
وفي النهاية لن أقول غير بحبك
يا حب عمري وحبيب حياتي

أحببتك نعم أحببتك

أحببتك نعم أحببتك
أحببت فيك حبك لي وتمسك بي
أحببت جنانك وطموحاتك وأحلامك
وعدتني بالسعادة الأبدية فلماذا تخليت عني؟
ليس ذنبك أعلم وكذلك ليس ذنبي
أنتظرت حروبك الضارية لتفوز بي
أنتظرت حصانك الأبيض لتحملني عليه
أنتظرتك كثيرا وياليتني لم أنتظر
الدنيا خطوات وأحلام ودرجات سلم
أتذكر هذه الكلمات؟ أنها كلمات
يسأسعدك مادمت حيا
أتذكر هذه الكلمات أنها كلماتك
لماذا تغيرت وكيف حدث ذلك؟
وسأسألك ثانيتا لماذاتخليت عني؟
أتعلم أني حلمت بك؟
أتعلم أني تمنيت لقائك كثيرا؟
والغريب عند فراقنا لم أبكي
أهتزيت كثيرا لن أنكر ولكني لم أبكي
قلبي وعقلي ولساني نطقوا في وقت واحد
هذا قدرنا ...مصيرنا ...نهايتنا
أومن بالقضاء والقدر ولا أنكر ذلك
فسأقبل فراقنا ولن أنظر ورائي
وسأكتب بيدي التهايه فالحب قدر
وحياتنا وقدرنا ليس بأيدينك

أطمئن لم أنساك



أطمئن لم أنساك

أطمئن ستظل في ذاكرتي

سأتذكر همساتك وكلماتك

سأتذكر ضحكاتك وأنفعالاتك

أهذه الكلمات التي كنت تتوقعها مني

أكنت تتوقع أن أنسي جراحك وأعود إليك بمجرد أشاراتك

لا يا حبيبي السابق لن أعود قد تكون موجود بداخلي لا أنكر ذلك

ولكن كرامتي وكبريائي أكبر من وجودك

سأدير ظهري إليك ولن ألتفت ثانيتا

فالماضي قد مضي والمستقبل هو الأت

وأخيراااااأطمئن لم أنساك لقد محوتك من ذاكرتي فأنت لم تكن موجودا أصلا

الخميس، 18 سبتمبر 2008

ماذا سيصنع بينا المستقبل

المستقبل هو ما يعيش من أجله الأنسان هو المحرك الرئيسي الذي يحركنا . ليخرجنا من ثباتنا العميق ليجعلنا نسعي وراءه ونجري مئات الأميال من أجله




خلاص يا عم ولا تزعل هتكلم عربي بس اللي كتبته فوق عربي أصيل بردوا
وعلي اساس احنا شباب والنعمة شباب يبقي نتكلم بلغة الشباب بس بلاش اللغة الشبابية الروشة طحن الجامدة موت أخر حاجة أصلي ماليش فيها
المهم نرجع لموضوعنا أحسن الوقت يسرقنا
وخليني أسأل سؤال
هو المستقبل بأيد مين ؟
أستغفر الله العظيم .ولا إله إلا الله
لا ةالله ماكفرتش ولا حاجة أنا عارفة ان المستقبل بأيد ربنا سبحانه وتعالي


أنا قصدي في حياتك وفي يومك مين بيتحك في مستقبلك ومصيرك
لا والنبي ماتقولش انا بتحكم في مصيري ومستقبلي
هتكون واسعة منك أوي دي

مستقبلك في أيد المشؤال عنك أو بالأصح اللي فوق منك
ماعو لو أنت تلميذ غلبان هيبقي والد سعادتك هو المتحكم فيك وأنت هتروح منه فين قدرك ونصيبك ومستقبلك

ولو أنت موظف برضوا غلبان طيب بذمتك هيكون مين المتحكم في مستقبلك
جواب وقولي بقي
أه هتقولي منا ممكن أسيب الشغل وساعاتها هكون أتحكمت في حياتي
لا يا غلبان ماهو لو عمنا المدير بتاعك مريحك ومسهلها نعاك مش هتسيبه ابدا

أيه زعلت وأكتئبت كده ليه؟
طيب يا سيدي مستقبلك بأيدك بس ولا تزعل
أيوه بيكون في ايدك بس انت اللي بضيعه وبسهولة كمان

لما تكون عايش وخلاص لامحدد اهداف ولاراسم مستقبل يبقي اكيد بسهولة بتتنازل عن مستقبلك
بتبقي خايف ومتردد مستسلم لرئيس ليك أو مسؤل عنك ماهو عارف وانت لأ
أيوة لأ لا عارف اللي بتعمله صح ولا غلط مستسلم لكلمة نقد تقولك أعمل كده وكده
وبسهولة بتتخلي عن مستقبلك ليرسنه حد تاني لا عارف ميولك ولا طموحاتك

مستقبلك معاك بأيدك خططه وأرسمه ذي ماأنت عاوز أنت المسؤل عنه أنت الناقد ليه أنت اللي بتحدده أنت اللي عاوزه والمستفيد منه

بس خليك أد المسؤلية أفرح في النجاح وأصبر في الهزيمة علشان ترجع تاني تبني وبقوة أكبر بلاش الأستسلام من أول خبطة
علشان مش نرجع نقول مستقبلنا راح فين؟
أوعي تسيب مستقبلك أحسن يسيبك
أمسك فيه بكل قوة علشان هو يمسك فيك وعلشان هو ببساطة حياتك